Unidad- y localidadnan

Den region di Caribe tin e siguiente unidadnan di Defensa presente:

1 escuadron di e Cuerpo di Marina na Aruba;
1 escuadron di e Cuerpo di Mariniers na St. Maarten;
1 compania di forzanan arma cu ta roeleer na Corsou;
E ARUMIL (militarnan Arubiano);
E CURMIL (militarnan di Corsou);
Un trupa di FRISC (lanchanan superrapido) na Corsou y Aruba;
E barco staciona den West cu helicopter abordo;
E barco di sosten Zr. Ms/ Pelikaan;
Un brigada di marechausee.

Si ta necesario Defensa por amplia e presencia militar.

Localidadnan

Luchtfoto van de marinekazerne in Parera (Curaçao).

Base di marina na Parera

Central na Corsou ta situa e base di marina na Parera. E base aki ta acomoda e staf di e Comandante di marina den region Caribense (CZMCARIB). Parera ta duna acomodacion tambe na:

Un compania di ehercito ; e compania aki ta permanente presente pa ehercicio, training y educacion. Y den caso ta necesario pa duna asisitencia militar y ayudo humanitario. Por ehempel den caso di orcan of ora di mantene orden publico. E compania ta ser activa den caso di tareanan ceremonial, por ehempel na Apertura di Staten/ Aña parlamentario.
E grupo di botonan Corsou. E grupo aki aki ta desplega principalmente trabounan di sosten na diferente operacion y ehercicionan. Banda di esaki vigila e beachnan y operacion riba laman grandi.
E punto central di Warda nos Costa na Corsou.
E centro di Rescate- y Coordinacion di Warda nos Costa region Caribense. E centro aki ta dirigi tur clase di operacionan anti-droga den e region di Caribe.
E sede di marina CARIB (MHKC)

Riba e base tin diferente sitionan unda tur material di nabega y na tera ta ser manteni.

Kazerne di mariniers Suffisant

E trayecto di estudio pa bira militar ta ser duna na Kazerne di Marinier Suffisant na Corsou, mescos cu e trayecto di formacion social (SVT). Aparte di esaki e kazerne ta e base pa militarnan cu ta participando na ehercicio- y trainingnan (inter) nacional. Mas aleu Suffisant ta huesped di e Cuerpo Boluntario Corsou (VKC). E boluntarionan ta keda involvi pa mantencion di orden y trankilidad riba e isla.

Kazerne di mariniers Savaneta

E kazerne di mariniers Savaneta ta situa na Aruba y ta acomoda e punto di sosten di Warda nos Costa, e Scuadron di Marina Carib y ARUMIL. Esakinan ta consisti di un staf, pelotons y unidadnan cu ta duna sosten. E Scuadron di Marina Carib y ARUMIL tin diferente tareanan. Pa cu esaki nan ta train y tin ehercicionan na Estados Unidos y Islanan Ariba. Un peloton di ARUMIL tin e tarea di vigilancia y mantene e seguridad di e kazerne.

Sint Maarten

E seccion di mariniernan na Sint Maarten, ta e prome unidad asigna pa duna asistencia militar na Sint Maarten, Saba y St. Eustatius. E seccion aki ta asisti e gobierno local riba e 3 islanan y Warda nos Costa region Caribense cu base na Sint Maarten.